Virtuala Idovideorenkontro che Jitsi

Singla-saturdie, inter kloki 15:30 e 17:30 UTC=GMT (kloki 16:30 e 18:30 MET), eventas Virtual Ido-Konfero Internaciona che Jitsi.
Vi omna esez bonvenanta! Parolez Ido! Askoltez Ido!
Por partoprenar la konfero, voluntez kliktar hike.
Video da Brian Drake kun informi pri quale acesar ed uzar Jitsi trovesas hike.
Por spektar kelka filmeti, qui enrejistresas dum ta video-konferi, kliktez hike.

Dyer-Dicionarii elektrala korektigita ed augmentita

Sundio 2026-02-22: Ante 2024 Brian E. Drake laboris por korektigar la erori imprimala e por inkluzar la nova vorti adoptita til 2022 en la versiono elektrala di la Dyer Dicionarii transkribita da Dr. David Mann e sua kolegi. Quankam multa erori imprimala restas, ol esas plubonigita segun lua kapableso. Ilkka Pakarinen, Finlandana Idisto, konvertis ta html-dokumenti aden pdf-dokumenti. Ta dokumenti trovesas hike. La html-dokumento anke ibe trovesas kom zip-dokumentaro.

Publikigesis POSTA MUNDI, numero 48

Lundio 2026-02-16: Jus aparis la numero 48 di POSTA MUNDI, qua prizentas, i.a., Ido-texti da Emma Schmidt e Partaka, olquin vi povos lektar e juar per kliktar hike.

numero 4/2025 dil revuo Ido-Saluto! enretigis

Mardio 2025-12-16: La numero 4/2025 di nia revuo Ido-Saluto! en dijitala formo esas pronta por deskargar gratuite ed ol esas hike.
Por sparar pekunio ni sendas nun nia revuo en PDF-formato ad omna membri di nia asociuro ed ad omna abonanti. Se vu preferas recevar la Ido-Saluto! pluse en paperala versiono, ni pregas skribar ad gisdirektantaro@idolinguo.de. Vu povas abonar la Ido-Saluto! por suplementala pago di 24 Euro po yaro por la paperala versiono.
La dijitala versiono esas inkluzita en la membro-kontributo. En ca numero vu trovas inter altri raporti pri la internaciona linguoferio EXPOLINGUA 2025 en Berlin.

[MUZIKO] Ido - La kloshi kantas

Sundio 2025-12-14: Emma Schmidt publikigis kristnaskala kansono La kloshi kantas (2' 37'').
La kantata versiono trovesas hike.
PDF-dokumento kun rezumo pri la kontenajo dil verko trovesas hike.